2 ka kanhi mga sakop sa ‘NPA’ mingsurender

2 ka kanhi mga sakop sa ‘NPA’ mingsurender
SunStar Local News

Duha ka kanhi mga sakop sa nabungkag na nga Front Committee 3, Central Visayas Regional Party Committee sa rebeldeng New Peoples Army (NPA) boluntaryo nga ningtahan sa balaod niadtong Dominggo, Hulyo 7, 2024 sa lungsod sa Candijay, lalawigan sa Bohol.

Ang pag-surrender sa duha nahitabo subay sa joint intelligence-driven operations sa kapulisan sa probinsya sa Bohol nga gipangulohan ni Police Lieutenant John Rey Olid sa Provincial Mobile Force Company ubos sa supervision ni Police Lieutenant Col. Mark Gifter Sucalit, pangu sa Provincial Mobile Force Company, Bohol Police Provincial Office.

Inabagan usab sila sa Regional Intelligence Unit 7, 47th Infantry Battalion, 32nd Military Intelligence Company, 3rd Military Intelligence Battalion sa 31st Division sa Philippine Army.

Ang duha ka kanhi mga sakop sa NPA gitakdang ipresentar sa mga opisyal sa lokal nga kagamhanan sa lungsod sa Candijay.

Human unya niini, hatagan sila og hinabang apan ipaagi una sila sa proseso pinaagi sa Kauban sa Reporma Program (KRP), nga maoy localized version sa national Enhanced Comprehensive Local Integration Program (ECLIP) ubos sa Executive Order number 27 Series of 2023 nga giluwatan ni Bohol Governor Erico Aristotle Aumentado. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph