2 ka manariay nadasmag, patay

2 ka manariay nadasmag, patay
Hulagway tampo sa LCPO

Patay nang nangabot sa tambalanan ang duha ka mga manariay nga nag-inangkasay sa usa ka motorsiklo human sila nadasmag sa tanker truck nga ilang gisundan sa alas 4:35 sa hapon sa Dominggo, Pebrero 25, 2024, sa Gen. Aviation Rd., Hangar, Brgy. Bangkal, Siyudad sa Lapu-Lapu.

Ang mga biktima giila nga sila si Freddie Reducto Mier , 37, minyo, drayber sa motorsiklo, ug ang angkas nga si Eliseo Rodrigo Pepito Jr., 42 , minyo, puro taga Soong, Brgy. Mactan sa mao nga siyudad.

Samtang ang drayber sa tanker truck giila nga si Arnill Rodinas Superable, 32, taga Sityo Cogon, Poblacion, Liloan, amihanang Sugbo.

Sa imbestigasyon ni Police Sr. Master Sergeant Rheymund F. Sosmeña, investigator on case sa Lapu-Lapu Traffic Police Office ubos sa kamanduan sa ilang hepe nga si Police Lt. Eduardo Sanchez, ang tanker nag-una samtang ang motorsiklo nagsunod, apan sa pag-abot sa maong dapit, nadasmag ang mga biktima sa rear portion sa truck.

Sa kakusog sa impact, ang mga biktima nakabaton og grabing kada­ut sa kalawasan.

Patay na silang niabot sa Lapu-Lapu City District Hospital. Wa pa masayri kon padung o gikan sa derby ang duha.

Si Superable gikustodiya sa kapuli­san. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph