Gihakop sa tumang kahadlok ang pipila ka mga lumolupyo sa Brgy. Linut-od, bukiran sa lungsod sa Argao, habagatang Sugbo human makit-i ang duha ka mga bitin nga Banakon, kun king cobra, niadtong Dominggo, Marso 3, 2024.
Gisuwayan kini og gukod sa pipila ka mga lumolupyo apan nawagtang. Sa alas 11 sa buntag sa Lunes, Marso 4, nitumaw pagbalik ang duha mga bitin nga naghilawas sa kasagbutan sa bakanteng luna sa dapit.
Sa usa ka video nga gi-upload sa social media, makita ang duha ka mga Banakon nga gipanigbas.
Matod ni Linut-od Brgy. Kap Guillermo Caminero Jr. nga gikahinabi sa Superbalita Cebu nga sila nabalaka kay gawas nga duol sa ilang barangay hall ang dapit, naa sab kini duol sa kabalayan.
Nabalaka ang mga lumolupyo kay ang duha ka mga bitin mga highly venomous.
Busa dihang nakit-an kini og balik sa mga lumolupyo, giseguro kini sa pagpatay, matod ni Caminero. / DVG