2 ka motor nagbangga; 3 samdan

SunStar Argao
SunStar Argao

Gihulagway nga grabing nangaangol ang tulo ka mga tawo nga nagmotorsiklo nga nagkabangga alas 5:34 sa buntag sa Dominggo sa Hunyo 30, 2024 sa national highway sa Sityo Lalaan, Brgy.Bulasa, Argao, habagatang Sugbo.

Usa sa mga samdan sakop sa Philippine Coast Guard nga nagmotorsiklo nga giila lang sa alyas James, 28, taga Brgy. Patupat, Barili, nadestino sa Pier 3, Siyudad sa Sugbo.

Ang laing nangasamdan mao sila si alyas Charles, hamtong, taga Brgy. Simala, Sibonga, way drivers license, ug angkas nga si alyas Jessie, 19, taga Brgy. Guiwanon, Argao.

Sa imbestigasyon sa Traffic Police Investigator sa Argao nasayran sa Superbalita Cebu nga ang duha ka mga motorsiklo pareho og diriksyon, padulong sa habagatan.

Si James nag-una ug pag abot sa maong dapit, ni-signal nga siya mo-left turn apan naigo sa nagsunod nga kusog kaayong nagpadagan nga si Charles, kinsa gidudahan nga hubog. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph