2 ka motor nasunog sa grass fire

Dalaguete, Cebu
Dalaguete, CebuGoogle Maps

Nangbuto ang duha ka mga motorsiklo sa dihang gilamoy sa kayo nga resulta sa nahitabong grass fire sa Sityo Candigay, Barangay Duma­lan, bukirang bahin sa lungsod sa Dalaguete, Sugbo.

Usa sa tag-iya sa maong motorsiklo nga si Leonora Carin Dicdican Malolot, lumolupyo sa maong dapit, naemosyonal nga mibutyag sa Superbalita Cebu nga siya nagtuo nga tinuyo ang pagsunog sa ilang motor.

“Wala na jud motor duha kabuok gidauban kapaeta tabang,” status ni Malolot sa iyang social media account. Apan nasuta nga dili tinuyo ang pagkasunog sa duha na motorsiklo.

Naapil ang duha ka sakyanan nga igo rang giparada ug atol nga nahitabo ang grass fire duol sa lokasyon kay adunay nagdaob, Lunes sa udto, Mayo 6, 2024.

Wa na matabang sa tag-iya ang maong mga motorsiklo tungod kay pagkayo mibuto kini ilabi na nga adunay gasolina ang mga tanke niini. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph