Duha ka mga suspetsadong drug pusher nasikop sa buy-bust sa Purok Madasigon, Barangay Biasong, siyudad sa Talisay, alas 9 sa gabii sa Miyerkules, Pebrero 28, 2024.
Nasikop giila sa kapulisan nga high value individual nga si Cristian Rey Morales Gabucan, alyas Gong, 36, ulitawo apan dunay kapuyo, taga Sityo Lahutay, Brgy. Guadalupe, siyudad sa Sugbo.
Nasikop usab ang iyang kauban nga si Yreel Basbas Llanos, alyas Basay, 26, ulitawo, may kapuyo, taga Purok Malonawon sa samang barangay sa Talisay.
Nasakmit gikan sa duha ang gituohang shabu nga motimbang og 25 gramos nga dunay standard value nga P170,000.
Ang operasyon gilusad sa mga sakop sa Talisay City Drugs Enforcement Unit Intelligence Police ubos sa kamanduan sa ilang hepe nga si Police Lt. Col. Wayne Magbanua ug ubos sa koordinasyon tali sa Philippine Drug Enforcement Agency (PDEA 7).
Ang gitanggong sa kapulisan sa Talisay ug gikatakda nga pasakaan og tukmang kaso ngadto sa korte nga kalapasan sa balaod sa paghupot sa gidiing druga. / DVG