2 ka sunog sa Metro Cebu

2 ka sunog sa Metro Cebu
File photo

Kabumberohan sa Mandaue City nakigkumbati sa sunog nga miulbo sa usa ka residential area sa Zone Camote, Barangay Paknaan, Mandaue City, Martes, Enero 2, 2024.

Base sa impormasyon ni Doc RD Gobalani, Alang-Alang Fire Rescue personnel, gikataho’ng niulbo ang kayo sa alas 12:44 sa udto ug napawong sa ala 1:31 sa hapon.

Atol niining pagsuwat,nagpadayon pa ang imbestigasyon diin nagsugod ang sunog ingon man ang danyos nga gibilin niini. Sa laing bahin, laing sunog miigo sa Sityo Lower Bonbonan, dalan A. Lopez, Barangay Labangon, Dakbayan sa Sugbo sa alas 11:27 sa buntag, Martes, Enero 2, 2024.

Base spot report nga nagsugod ang sunog sa panimalay ni Zippora Mae Pacaldo, nga nisunog sa laing duha ka tupad nga mga balay.

Gibana-bana nga anaa sa P150,000 ang gibilin nga danyos.

Gitug-an ni FO3 Fulbert Navarro nga lima ka mga pamilya nga gilangkuban sa 15 ka mga indibiduwal ang nawad-an og kapuy-an. Wa pa matino kon unsay hinungdan sa sunog. / HIC, hulagway ni Christian Paul Aleser

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph