Napusasan sa kapulisan ang duha ka rapists nga top 1 ug top 2 sa most wanted person (MWP) sa Negros Oriental.
Si Danny (tinuod ngan gipugngan), 46, biyudo, ug construction worker, nasikop alas 8:19 sa buntag, Biyernes, Oktubre 4, 2024 sa Sitio Antulang, Brgy. Si-it, lungsod sa Siaton.
Si Police Major Nazarino Emia, chief sa Criminal Investigatigation and Detection Group (CIDG) Negros Oriental Provincial Field Unit (PFU) maoy nangulo sa pagkasikop sa suspek.
Matod ni Emia nga nahinabi sa SuSuperbalita Cebu nga kabahin kini sa ilang programa ngas a "Oplan Pagtugis."
Gibutyag niini nga amg suspek nalakip sa MWP regional level no. 2, nga dunay (3) counts sa Statutory Rape.
Ang suspek gipasakaan sa maong kaso human iyang gilugos ang menor de edad nga pag-umangkon sa asawa.
Ang warrant giisyo ni Judge Sheila Lynn Martinez Cartacutan-Besario, presiding judge, RTC Branch 31, Dumaguete City, gipitsahan og Hulyo 22, 2024, nga walay piyansa.
Sa laing bahin, napusasan sa CIDG-PFU sa Negros Oriental ang usa ka mag-uuma top no.1 sa MWP sa Negros Oriental tungod sa kasong lugos.
Usa ka Manny (dili tinuod ngan), 34, ulitawo, ug mag-uuma, nasikop alas 10:35 sa buntag, Biyernes, Oktubre 4, 2024 sa Sitio Magasi, Brgy. Inawasan, lungsod sa Pamplona.
Matud ni Emia, nga sila sa CIDG Negros Oriental (PFU) uban sa RIU 7, Negros Oriental Police Offfie, Provincial Intelligence Team (PIT) mao ang ningsikop sa suspek.
Si Emia nibutyag nga ang suepk nalakip sa MWP sa regional level no. 1, tungod sa walo ka counts sa Rape, 1 count sa Sexual Assault.
Ang warrant of arrest giisyo ni Hon.Christine Tabasuares-Aba, presiding Judge, RTC Branch 43, Tanjay City, Negros Oriental, hipitsahan Septiyembre 30, 2024 nga walay piyansa. / GPL