GITANGTANG sa trabaho ang duha ka empleyado sa Lapu-Lapu City hall human giingon nga nagmao-mao og mga dokumento aron ma-claim ang wala makuhang cash gift sa senior citizen.
Gikompirmar ni Mark Anthony Bautista, hepe sa City Public Information Office, sa usa ka mensahe ngadto sa SunStar Cebu nga ang duha ka kaswal nga empleyado nakahimog pagmao-mao sa pirma sa payroll.
Kini ang rason sa ilang pagkatangtang sa trabaho.
Usa ka imbestigasyon ang natapos niadtong Biyernes, Agusto 8, 2025, maoy gibasehan sa pagkatangtang sa duha ka empleyado.
“The HR, City Administrator’s Office, BMO, and CSWDO immediately conducted the investigation, discussed the issue, and decided to dismiss the two personnel involved,” matod ni Bautista. / DPC