Gipasaka sa mga abugado ni Gobernador Gwendolyn Garcia ang multiple cyberlibel complaints sa National Bureau of Investigation (NBI) niadtong Lunes, Abril 21, 2025, batok sa duha ka nanaway nga namasangil ug nag-post og mga malisyuso diha sa online.
Moabot og 10 counts sa cyberlibel ang gipasaka batok nila ni Michael Cano nga nailhan sab nga “Deen Chase” ug Efren Omayan nga nailhan sab nga “Dong Efren” tungod sa pasangil sa corruption, unexplained wealth ug uban pa.
Sa press conference niadtong Lunes, Abril 21, 2025, si Atty. Alex Avisado Jr., ang lead personal counsel ni Garcia ug si Atty. Rory Jon Sepulveda, ang Capitol’s legal consultant, nagkanayon nga ang pasangil tumotumo ug nilapas na sa kagawasan sa pagpadayag ilabi na kay giapil ang pamilya sa gobernador.
Si Cano, sa iyang bahin, wa mahulga sa gipasaka nga kaso.
Sa iyang post niadtong Lunes, si Cano nagkanayon: "Gwendolyn Garcia hello lola...You don’t scare me...."
"This is the kind of Evil that Cebu is facing right now. Just because we are raising questions and demanding transparency from her governance. She immediately does what she does best. Filing a case… haha," dugang sa post ni Cano. /ANV/EHP