Usa ka menor de edad napusasan uban sa iyang silingan nga hamtong human gitudlo nga suspek sa paglungkab sa Bulalacao Elementary School sa Barangay Nug-as, lungsod sa Alcoy, sa alas 6:30 buntag sa Martes, Nobiyembre 28, 2023.
Si Master Sgt. Ruel Abrio sa Alcoy Police Station nagkanayon nga usa ka 14 anyos nga taga Brgy. Atabay, Alcoy ug usa ka Jayson Alphabete, hingkod, mag-uuma, nadakpan sa follow up operations sa kapulisan.
Si Bebielyn Gesim Arias, Property Custodian sa Bulalacao Elementary, maoy ni-report sa kapulisan sa alas 8:45 sa buntag sa Martes.
Nasuta nga nahanaw ang duha ka computer CPU nga mobalor og P14,000, usa ka set monitor nga P22,000 lakip sa 20 ka modem, P40,000 ka projector, smart TV nga mobalor og P114,000, amplifier P8,000 ug uban pa.