2 nagdinunggabay, pulos patay

5 ka buwan nga puya patay sa aksidente
SunStar Local News

Duha ang patay sa nahitabong dinunggabay sa Sit­yo Tambobo, Barangay Bonbonon, lungsod sa Siaton, Negros Oriental, alas 3 sa kaadlawon, Dominggo, Hunyo 16, 2024.

Nalambigit sa dinungga­bay mao ang 24 anyos nga ulitawo, laborer sa Arminda fishing boat ug taga Brgy. San Francisco, Sta. Catalina, Negros Oriental ug usa ka 44 anyos nga lalaki nga lumad nga taga Sultan Kudarat.

Basi sa imbistigasyon sa Siaton Police Station, nasuta nga ang kauban sa laborer sa fishing boat niasoy sa kapulisan nga gikan sila sa disco sa Brgy. Bonbonon sa Siaton ug nipauli sa nag-angkorahi nga panagatan sa Tambobo, Siaton.

Apan ang iyang kauban kalit nga gidunggab sa 44 anyos nga lalaki gamit ang buak nga botilya ug naigo kini sa liog.

Samtang, nakabalos pa usab ang iyang kauban sa pagdunggab nga naigo sa dughan sa mahait nga kutsilyo.

Ang duha pulos natumba sa dalan ug gidali sa pagdala ngadto sa Cong. Lamberto Macias Hospital apan pulos gideklarar nga dead on arrival (DOA). / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph