2 nakalihay sa pagpanunggab

SunStar Local News
SunStar Local News

Nagmaoy sa kahubog nagtriping sa pagdunggab sa iyang duha ka mga silingan sa Upper San Vicente, Barangay San Vicente, lungsod sa Liloan, amihanang Sugbo sa alas 8:35 sa gabii sa Miyerkules, Mayo 22, 2024,

Ang mga nakalikay sa pagpanunggab giila nga sila si Regie Ayuda Arnaiz, 39, ug Saul Ronquez Mantuhac, 35, mga silingan.

Ang suspek giila nga si Darwin Talisic Atis, 45, napuyo sa nahisgutang lugar.

Si Police Major Eric Gingoyon, hepe sa Liloan Police Station nga nahinabi sa Superbalita Cebu, nagkanayon nga ang mga biktima nagtan-aw og volleyball ug kalit nga niduol sa likod sa usa sa duha.

Gihansakan sa gidala nga cutter knife apan nakalingi kini hinungdan nga nakalihay ug wala maigo.

Sa kalagot sa suspek, gidunggab niya ang lain nga silingan, kinsa nakalingkawas sa pagpanungab.

Atol sa kumosyon, nadakpan ang suspek sa mga barangay tanod ug gi-turnover ngadto sa kapulisan.

Matod ni Gingoyon, ang suspek naila sa lugar nga magmaoy kon mahubog.

Tungod sa pagmaoy, na-tripingan niya ang duha ka mga silingan ug swerte nga wa maigo.

Si Atis natanggong na sa police station ug gikatakda nga pasakaan og tukmang kaso sa korte. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph