Usa ka ‘John Regala’ ang nasikop na sab sa ikaupat na ka higayon human nga nadakpan gumikan sa pagkupot og ilegal nga drugas.
Ang maong suspek, 34, ang nadakpan niadtong Martes, Agusto 6 sa dihang nagpatrolya ang mga sakop sa Carbon Police Station sa Barangay Ermita, Siyudad sa Sugbo.
Ang maong dinakpan nakuhaan og 2 ka gagmay’ng pakete nga adunay sud nga gituohan shabu.
Samtang nasundan sa laing operasyon sa maong police station ubos sa pagdumala ni Police Major John Libres diin usa ka Jay-Jay, 24, ang nadakpan sab nga nakuhaan og tulo ka nilikit sa pinauga nga dahon sa marijuana. / DVG