2 nasikop; P408K nga ‘shabu' nasakmit

■ BUY-BUST: Ang duha ka mga suspek sa pagpayuhot og ilegal nga drugas nasikop sa buy-bust sa Talisay City Police sa Purok Matinumanon, Brgy. Tabunok, Sugbo alas 12:09 sa kaadlawon sa Biyernes, Marso 15, 2024. / Talisay City Police Station
■ BUY-BUST: Ang duha ka mga suspek sa pagpayuhot og ilegal nga drugas nasikop sa buy-bust sa Talisay City Police sa Purok Matinumanon, Brgy. Tabunok, Sugbo alas 12:09 sa kaadlawon sa Biyernes, Marso 15, 2024. / Talisay City Police Station

Nasikop sa Talisay City Police ang giiila nga suspetsado’ng high value individual (HVI) nga drug pusher ug ang iyang kauban human masikop sa Purok Matinumanon, Brgy. Tabunok, siyudad sa Talisay, alas 12:09 sa kaadlawon sa Biyernes, Marso 15, 2024.

Ang subject sa buy-bust giila nga si Windel Tangayan Gabasa alyas Atla, 38, ulitawo, way trabaho, nagpuyo sa dapit, ingon man ang iyang kunsabo nga silingan nga giila nga si El Rico Narboada, alyas Eric, 27, ulitawo apan may kapuyo.

Nihimo sa operasyon mao ang mga sakop sa Drugs Enforcement Unit Intelligence Police pinangulohan sa ilang hepe nga si Police Lt. Col. Wayne Magbanua, nga dunay koordinasyon tali sa Philippine Drug Enforcement Agency (PDEA 7).

Ang mga suspek nakuhaan og tulo ka putos sa gituohang shabu nga motimbang og 60 gramos nga may estimated drug price nga P408,000. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph