2 sa drug list sikop, armas nasakmit

■ KAPULISAN: Kini ang buy-bust sa kapulisan batok sa duha ka suspetsadong mga durugista  sa Brgy.  Tajao, lungsod sa Pinamungajan, alas 3 sa hapon sa Huwebes, Enero 18, 2024. / Kapulisan sa Pinamungajan
■ KAPULISAN: Kini ang buy-bust sa kapulisan batok sa duha ka suspetsadong mga durugista sa Brgy. Tajao, lungsod sa Pinamungajan, alas 3 sa hapon sa Huwebes, Enero 18, 2024. / Kapulisan sa Pinamungajan

Nagtingkagol karon sa bilang­goan sa Pinamungajan Muni­cipal Police Station ang duha nga giilang high value indivi­duals (HVI) nga drug pushers sa buy-bust sa Barangay Tajao, lungsod sa Pina­mungajan, alas 3:00 sa hapon sa Huwebes, Enero 18, 2024.

Ang mga suspek giila nga sila si John John Caburnay, 27, ulitawo, taga Brgy. Magdugo, siyudad sa Toledo, ug si Jhonilyn Mata, 37, minyo, ta­ga Brgy. Poblacion, dakba­yan sa Toledo.

Ang duha nasikop sa buy-bust nga gilusad sa mga sakop sa Municipal Drugs Enforcement Unit sa maong lungsod nga gipangulohan sa ilang hepe nga Police Maj. Gilfred Baroman pinaagi sa koordinasyon sa Philippine Drug Enforcement Agency (PDEA 7).

Sa pakisusi nasuta nga ang maong mga suspek na-vali­date sa kapulisan sa Pinamungajan nga ang duha nagkunsabo sa pagpamaligya og shabu sa Pinamungajan hinungdan nga gilusad ang buy-bust.

Ang mga suspek nakuhaan og mga pinakiting shabu nga motimbang og 14.44 gramos nga may stan­dard drug price nga P98,192.

Gawas sa mga pinakiteng shabu, nasakmit ang usa ka motorsiklo nga gigamit sa duha ka mga suspek sa ilang ilegal nga kalihukan ug armas nga kalibre .45 nga pistola nga may pito ka mga bala.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph