Duha ang nasikop sa Philippine Drug Enforcement Agency (PDEA) Bohol ug sa Bohol Maritime Police Station sa buy-bust sa Purok 5, Barangay Tangnan, lungsod sa Panglao, alas 7:09 sa gabii sa Martes, Enero 16, 2024.
Ang target sa operasyon mao si John Freed Mahusay, 25, no. 4 sa provincial target list sa PDEA ug kapulisan sa Bohol.
Lakip sa nadakpan ang iyang live-in partner ug gituohan sa kapulisan nga kunsabo sa ilegal nga negosyo nga si Geraldine Degamo, 33, tag-iya og flower shop.
Nasakmit ang walo ka pakete sa gituohang shabu nga motimbang og 7 gramos nga dunay estimated market value nga P47,600, apil ang buy bust money nga P510, tulo ka cellphone ug usa ka motorsiklo.