20 ka boatmen sa Lapu-Lapu wa mokolekta og environmental fee

20 ka boatmen sa Lapu-Lapu wa mokolekta og environmental fee

Sukad gipatuman ang P100 nga environmental fee sa Dakbayan sa Lapu-Lapu niadtong Mayo 1, 2024, ang mga operator sa bangka ug island-hopping nagpadayon sa paglapas sa mga lagda.

Mokabat sa 20 ka boatman, sa unang semana sa pagpatuman, napakyas sa pagsunod sa ordinansa, matod ni officer-in-charge sa Lapu-Lapu City Treasurer’s Office (CTO), Claire Cabalda.

Dugang ni Cabalda nga tungod sa kakuwang og impormasyon sa maong mga malapason sa balaod, wa sila makahatag og pormal nga notice of violation.

“Amo gihapon to panid-an ang notice. Gipaklaro lang nako ang detalye before ko muhatag og notice legally,” matod ni Cabalda.

Hinuon, nakig-alayon ang City Government sa Bantay Dagat aron mapalambo ang pagpatuman sa nahisgutan nga ordinansa ug mapahamtangan og silot ang mga malapason.

Ang Kagamhanan sa Lapu-Lapu nagsugod sa pagpangolekta og P100 environmental fee gikan sa mga turista nga mo-avail sa island hopping, scuba diving, free diving, jet skiing, ug uban pang water activities.

Nalatid sa ordinansa, ang mga makalapas hatagan og pahimangno sa unang kalapasan, multa nga P3,500 sa ikaduhang paglapas, P5,000 sa ikatulo, ug pagbawi sa business permit alang sa final sanction./ DPC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph