20 ka panimalay sa Quiot nasunog

 HUMAN SA SUNOG: Kini ang talan-awon human sa sunog sa  Sitio Kawayan, Barangay Quiot, dakbayan sa Sugbo, alas 4:06 sa kaadlawon, Huwebes, Enero 18, 2024.
HUMAN SA SUNOG: Kini ang talan-awon human sa sunog sa Sitio Kawayan, Barangay Quiot, dakbayan sa Sugbo, alas 4:06 sa kaadlawon, Huwebes, Enero 18, 2024. Guam P. Logroño

Mokabat sa 20 ka mga balay gilamoy sa kayo sa sunog sa Sitio Kawayan, Barangay Quiot, dakbayan sa Sugbo, alas 4:06 sa kaadlawon sa Huwebes, Enero 18, 2024.

Si FO1 Michael John Nable, imbestigador sa Bureau of Fire Protection (BFP) sa Cebu City nga nahinabi sa Superbalita Cebu sa Huwebes, niingon nga ang sunog nagsugod sa balay nga gipanag-iya sa magtiayong Bernadeth ug Pedrito Murillo-Villadolid, pulos senior citizens.

Ang bana nga si Pedrito, 75, nakaangkon og 2nd degree burns sa duha ka mga bukton ug 1st degree burns sa liog ug agtang.

Wa pa masayri ning pagsuwat kon nganong napaso si Pedrito.

Matod ni Nable, giisa nila sa 2nd alarm ang sunog ug na-fire out sa alas 5:02 sa buntag.

Dugang niya nga 15 ka mga panimalay ang hingpit nga naugdaw ug lima ang partially burned. Nagbilin kini og danyos nga P1,800,000.

Si Jomart Patalinghog, residente sa dapit nga nahinabi sa Superbalita Cebu, nagkanayon nga nakita niya sa 2nd floor sa may kusina sa balay sa mga Villadolid nagsugod ang kayo.

Matod pa, ang magtiayon sayo sa buntag magluto sa ilang pagkaon.

Gihulagway ni Patalinghog nga paspas kaayo nga nikatap ang kayo ug nikaon sa kabalayan nga kasagaran ginama sa mixed sa concrete ug light materials.

Atol ning pagsuwat, ang kabomberuhan nagpadayon pa sa ilang imbestigasyon sa hinungdan sa pag-ulbo sa sunog. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph