Gi-monitor sa Philippine Navy ang kapin sa 200 ka mga barko sa China nga naa sa West Philippine Sea (WPS) sa miaging semana, ang labing taas nga gidaghanon sukad niadtong Enero 2024.
Adunay kinatibuk-an nga 203 ka mga barko sa China, lakip ang 24 ka mga barko sa China Coast Guard, 12 ka mga barkong iggugubat sa People's Liberation Army Navy (Plan), 165 ka Chinese Maritime Militia, ug duha ka research vessel ang nakita sa gikaaway nga teritoryo gikan sa Agosto 27 hangtod sa Septiyembre 2.
Mas taas kini kaysa 163 ka mga barko sa China nga gimonitor sa lugar sa miaging semana.
Ang mga lugar nga gibantayan sa mga barko naglakip sa Bajo de Masinloc, Ayungin Shoal, Pag-asa Islands, Parola Island, Kota Island, Likas Island, Lawak Island, Panata Island, Patag Island, Rizal Reef, Sabina Shoal, Julian Felipe Reef, ug Iroquois Reef. / Sunstar Phlippines