21 anyos nga lalaki nalumos

Google map
Google map

Wa na matabang pa ang usa ka 21 anyos nga lalaki nga nalumos alas 9 sa Sabado sa buntag, Enero 20, 2024 samtang naligo ubos sa taytayan sa Brgy. Tangil, lungsod sa Dumanjug, habagatang kasadpang Sugbo.

Nasayran sa Superbalita Cebu gikan sa Dumanjug Police Station pinangulohan sa ilang hepe nga si Police Capt. John Ace Layug, ang biktima nga si France Darryl Abad, taga Brgy. Balaygtike, naligo kauban sa iyang mga barkada.

Kusog ang sulog sa tubig kay nangaligo sila sa bukana sa suba nga nisangko sa dagat.

Giingon nga kalit nga na-missing ang biktima ug dali nga nangayo og tabang ang mga barkada sa mga tawo sa dapit.

Nangabot ang mga sakop sa rescue team sa Dumanjug Municipal Disaster Risk Reduction and Disaster Management Office (MDRRMO).

Nakit-an ang biktima sa gipa­higayon nga search and rescue operation ug gidala sa Barili District Hospital apan patay na kining niabot.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph