Dunay 21 ka job fairs ang himuon sa Cebu City karong tuiga agi og suporta sa nasudnong gobiyerno nga nagtinguha sa pagpakigbatok sa unemployment.
Sa suwat nga giduso ngadto sa konseho sa Dakbayan sa Sugbo atol sa ilang regular session niadtong Miyerkules, Abril 2, 2025, ang Department of Manpower Development and Placement (DMDP) nagkanayon nga ilang gi-institutionalized ang pagpahigayon og job fair isip regular program sa ilang departmento.
Pinaagi niini, si DMDP head Suzanne Ardosa sa iyang suwat nagkanayon nga mopahigayon sila og job fair matag tunga sa buwan sa nagkalainlaing barangay sa dakbayan.
“The barangay-level conduct of these job fairs is intentional and strategic to ensure accessibility, bring services closer to grassroots communities, reduce transportation costs for job seekers, and encourage participation from residents and other neighboring barangays who may have limited means to travel to the city center,” unod sa suwat.
Gawas sa barangay-based initiatives, ang DMDP mohimo og quarterly mega job fair nga ipahigayon sa mga mall.
Matod ni Ardosa nga kining mega job fair maghatag og mas lapad ug centralized venue aron makaserbisyo og daghang employer ug aplikante. Gilakip ni Ardosa sa iyang suwat ang mga schedule sa barangay ug ang quarterly mega job fair.
Sa mega job fair schedule, dunay gitakda sa Mayo 1, Hunyo 12, Agusto 21, Septiyembre 27, ug Nobiyembre 29, nga ang tanan himuon sa SM Seaside City.
Sa barangay job fair, Abril 12, sa San Nicolas Proper nga maglakip sa clustered barangays sama sa Duljo, Suba, Sawang Calero ug Pasil.
Sa Mayo 17 sa Cogon Ramos, apil ang mga barangay sa San Antonio, Tejero, Tinago, Zapatera, ug Lorega.
Sa Mayo 31 sa Guadalupe lakip ang mga barangay sa Sapangdaku, Capitol Site, ug Kalunasan.
Sa Hunyo 21 sa Talamban, ug mga barangay sa San Jose, Bacayan, Pit-os, Pulangbato, Budlaan, ug Banilad.
Sa Hulyo 12 sa San Roque apil ang Tinago, Sto. Niño, Parian, Kalubihan, ug Kamagayan samtang sa Hulyo 26 sa Lahug apil ang Capitol Site, Busay, Kamputhaw, Hipodromo, ug Apas.
Sa Agusto 9 adto sa Poblacion Pardo nga maglakip sa mga barangay sa Kinasang-an, Bulacao, ug Inayawan ug sa Aug. 30 sa Sambag II apil ang Sta. Cruz, Sambag I, Capitol Site ug Calamba.
Duna sa'y schedule sa Septiyembre 13 sa Basak San Nicolas nga maglakip sa mga barangay sa Kinasang-an, Basak Pardo, ug Quiot.
Ang job fair sa Oktubre 11 sa Banilad maglakip sa mga barangay sa Hipodromo, Mabolo, Kasambagan, Luz, ug Apas ug sa Oktubre 25 sa Labangon apil ang mga barangay sa Hipodromo, Mabolo, Kasambagan, Luz, ug Apas.
Sa Hunyo 21 sa Talamban, mga barangay sa San Jose, Bacayan, Pit-os, Pulangbato, Budlaan, ug Banilad.
Sa buwan sa Hulyo, dunay schedule sa Hulyo 12 sa San Roque nga maglakip sa Tinago, Sto. Niño, Parian, Kalubihan, ug Kamagayan samtang sa Hulyo 26 sa Lahug, apil ang Capitol Site, Busay, Kamputhaw, Hipodromo, ug Apas.
Sa Agusto 9 sa Poblacion Pardo, apil ang Kinasang-an, Bulacao, ug Inayawan ug sa Agusto 30 sa Sambag II apil ang Sta. Cruz, Sambag I, Capitol Site ug Calamba.
Dunay schedule sa Septiyembre 13 sa Basak San Nicolas apil ang Kinasang-an, Basak Pardo, ug Quiot.
Ang job fair sa Oktubre 11 adto sa Banilad nga apil ang Hipodromo, Mabolo, Kasambagan, Luz, ug Apas samtang sa Oktubre 25 sa Labangon apil ang Hipodromo, Mabolo, Kasambagan, Luz, ug Apas.
Katapusan nga bi-monthly job fair himuon sa Nobiyembre 8 sa Day-as apil ang mga barangay sa Carreta, Tejero, San Antonio, ug Zapatera ug sa Nobiyembre 15 sa Cogon Pardo, Bulacao, ug Kinasang-an. / JPS