21 ka mga balay sa Sambag 2 nasunog

SUNOG: Mokabat sa 16 ka balay ang naugdaw ug nakan-an ang laing lima dihang niigo ang sunog sa Brgy. Sambag 2, dakbayan sa Sugbo niadtong Biyernes sa hapon. / GIKAN FB page sa CEBU PROVINCIAL FIRE OFFICE
SUNOG: Mokabat sa 16 ka balay ang naugdaw ug nakan-an ang laing lima dihang niigo ang sunog sa Brgy. Sambag 2, dakbayan sa Sugbo niadtong Biyernes sa hapon. / GIKAN FB page sa CEBU PROVINCIAL FIRE OFFICE

Labing minos 21 ka mga balay ang nangaugdaw sa sunog sa dalan San Juan, Barangay Sambag 2, dakbayan sa Sugbo mga alas 4:46 sa hapon sa Biyernes, Enero 26, 2024.

Ang 16 sa mga balay hingpit nga nasunog, samtang lima ang partially damaged.

Matod ni Senior Fire Officer 1 Emerson Arceo nga ang sunog nagsugod sa balay sa usa ka Jema Desamparu.

Giisa sa first alarm ang sunog alas 4:50 sa hapon ug gideklarar nga fire out alas 5:12 sa hapon.

Mokabat sa 30 ka mga pamilya o 84 ka mga indibidwal ang nawad-an sa ilang pinuy-anan sa sunog, kansang hinungdan padayon pa nga giimbestigar sa mga bombero.

Hinuon walay naangol sa maong sunog nga nagbilin og P1.050 milyunes nga danyos. / DVG, TPM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph