Pormal nga gipahigayon sa Department of Social Welfare and Development (DSWD) Field Office 7 – Central Visayas pinaagi sa Pantawid Pamilyang Pilipino Program (4Ps) ug ubos sa pagpanguna ni Regional Director Shalaine Marie S. Lucero ang Oath-Taking Ceremony alang sa 244 ka bag-ong gikontratang City ug Municipal Links (C/MLs) niadtong Agusto 4, 2025.
Ang mga bag-ong empleyado i-deploy sa nagkalainlaing lungsod ug dakbayan sa Bohol ug Cebu aron pagdumala ug pagmugna sa hapsay nga implementasyon sa 4Ps sa lokal nga lebel.
Unang tahas sa mga C/MLs ang pagsiguro nga makadawat og tukmang interbensyon ang mga partner-beneficiaries sa programa, pagiya sa mga pamilya sa pagtuman sa mga kondisyon, ug pagtabang kanila aron makabarog sa ilang kaugalingon.
Sa iyang mensahe, gipahinumdoman ni Director Lucero ang mga bag-ong empleyado sa ilahang dakong papel isip frontline representatives sa departamento.
“We expect you to uphold service excellence and integrity in every aspect of your work. As City and Municipal Links, your commitment and compassion directly impact the lives of our 4Ps partner-beneficiaries. You are instrumental in helping families break free from poverty and build a better and brighter future,” matod niini.
Ang dugang nga pag-hire sa C/MLs usa ka tubag sa nagkataas nga panginahanglan sa programa, ilabi na samtang nagkadaghan ang 4Ps households nga nag-transition gawas sa kakabos ug nanginahanglan og mas pinasidunggang case management.
Tumong sa DSWD 7 nga pinaagi sa dugang field force, mapanindot ang kalidad sa serbisyo, maminusan ang caseload ratio matag staff, ug mahusay ang monitoring ug suporta sa mga benepisyaryo.
“This investment in human resources ensures that no family is left behind. With more field staff, we can provide more responsive, timely, and targeted interventions to help our partner-beneficiaries take meaningful steps toward self-sufficiency,” dugang pa ni Lucero.
Nag-unang responsibilidad sa mga C/MLs ang pagdumala sa caseloads pinaagi sa case management ug regular nga monitoring, pagdumala sa binulan nga Family Development Sessions (FDS), pakigkoordinar sa Local Government Units (LGUs) ug partner institutions alang sa convergence sa serbisyo, pagsiguro sa beneficiary compliance sa health ug education conditionalities, pagtubag sa mga reklamo ug referrals, ug paghimo sa tukmang report aron mapreserbar ang integridad sa sistema sa programa.
Mas kritikal ang ilang papel samtang daghang pamilya ang mahuman na sa 4Ps nga nagkinahanglan og giya aron mahimong mas lig-on ug independente.
Nagpabilin nga lig-on ang DSWD 7 sa misyon nga mapalambo ang kinabuhi sa mga kabos nga pamilya ug komunidad, uban ang mensahe nga “every life matters.” / PR