Dul-an sa 24,000 ka mga tawo gikan sa tulo ka mga rehiyon sa Visayas ug Mindanao ang apektado sa Tropical Storm Crising, pahibalo sa National Disaster Risk Reduction and Management Council (NDRRMC) ning Biyernes, Hulyo 18, 2025.
Sa usa ka situational report, nagkanayaon ang NDRRMC nga sa kinatibuk-an, niabot sa 7,501 ka mga pamilya o 23,918 ka mga tawo sa 56 ka barangays sa Western Visayas, Central Visayas, ug Soccsksargen ang epektado sa bagyo.
Moabot sa 115 ka mga pamilya – 38 gikan sa Western Visayas ug 77 sa Soccsksargen – ang gipabalhin ug kasamtangang nagpuyo sa evacuation centers.
Matod sa NDRRMC nga kapin sa P1.2 million nga balor sa food packs ug non-food items ang gihatag sa apektadong mga pamilya.
Ang NDRRMC nakarekord sab og tulo ka landslides ug pagbaha sa 19 ka mga lugar sa Central Visayas gumikan sa makusog nga pag-uwan.
Nidugang ang disaster bureau nga ang epekto sa bagyo maoy hinungdan nga gisuspenso ang seaport operations hasta ang mga klase sa apektadong mga dapit.
Ang Philippine Atmospheric, Geophysical and Astronomical Services Administration (Pagasa) niingon hinayhinay nga nagkakusog si Crising sa pagpaingon niini sa west-northwestward sa mainland Cagayan–Babuyan Island mga alas 11:00 sa buntag sa Biyernes.
Tungod ni Crising, gisaka ang Tropical Cyclone Warning Signal (TCWS) No. 2 ning maong mga lugar: Batanes, Cagayan including Babuyan Islands, Isabela, Apayao, Kalinga, Northern and central portions of Abra (Manabo, Pidigan, San Juan, Tayum, Langiden, Boliney, Sallapadan, Bucloc, Lagangilang, Danglas, La Paz, Licuan-Baay, Tineg, Malibcong, Peñarrubia, San Isidro, Daguioman, San Quintin, Dolores, Lagayan, Bangued, Bucay, Lacub), Eastern portion of Mountain Province (Natonin, Paracelis), Eastern portion of Ifugao (Aguinaldo, Alfonso Lista), Ilocos Norte, Northern portion of Ilocos Sur (Cabugao, Sinait, Magsingal, San Juan, San Ildefonso, Santo Domingo, Bantay, San Vicente, Santa Catalina, Caoayan, City of Vigan, Santa).
Gibutang sa TCWS No. 1 ang Quirino, Nueva Vizcaya, Mountain Province, Ifugao, Abra, Benguet, Ilocos Sur, La Union, Northern portion of Pangasinan (San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, Bugallon), Northern portion of Aurora (Dilasag, Casiguran, Dinalungan, Dipaculao, Baler, Maria Aurora), Northeastern portion of Nueva Ecija (Carranglan, Pantabangan). / TPM / SunStar Philippines