27 ka balay nasunog; P2.1M danyos

27 ka balay nasunog; P2.1M danyos
SunStar Cebu City

Mokabat sa P2.1 milyunes ang danyos sa pagkasunog sa 27 ka balay sa Sityo Cyco, Barangay Basak San Nicolas, siyudad sa Sugbo, alas 5:11 sa hapon, Huwebes, Hunyo 27, 2024.

Sumala sa kabomberohan, ang sunog nagsugod sa balay sa usa ka Edwin Tamara.

Ang sunog gipasaka sa 1st alarm sa alas 5:19 sa hapon, 2nd alarm sa alas 5:30 sa hapon, ug fire under control sa alas 5:58 sa hapon.

Samtang gideklarar nga fire out sa alas 6:26 sa hapon.

Usa usa ang angol nga si Michael Corpuz, 44, minyo, ug nakaangkon sa 2nd degree burn sa iyang mga kamot.

Sa 27 ka balay nga nasunog, ang 21 niini ang hingpit nga naugdaw. Nikabat sa 40 ka pamilya ang na apektohan nga gilangkuban sa 108 ka mga indibiduwal.

Si FO2 Marie Grace Ambayan, imbestigador sa kabomberohan sa dakbayan sa Sugbo, niingon nga nagpadayon pa ang ilang imbestigasyon bahin sa maong sunog atol ning pagsuwat. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph