Nahinanok na sa iyang pagkatulog ang 28-anyos nga lalaki sud sa giabangan nga balay sa Sityo NSDC, Barangay Labangon, Siyudad sa Sugbo us aka wa mailhi pa nga gunman ang pugos misulod ug namusil.
Ang insidente nahitabo sa alas 3:41 sa kaadlawon, Domingo, Hulyo 13, 2025.
Base sa pasiunang imbestigasyon sa Labangon Police Station nga samtang natulog ang biktima nga si alyas Jun uban sa iyang kapuyo nakamata sila sa kasaba sa tunod sa tiil sa gawas sa pultahan nga nagpaingon sa ilang kwarto.
Gipugos sa maong gunman sa pag abli ang ilang kuwarto hinungdan nga nagpaninggit og pangayo og panabang ang biktima apan sa dihang naabli ang pultahan gipusil si Jun ug samdan sa iyang paa.
Gisubay pa sa kapulisan ang motibo sa maong pagpamusil ug pag-ila sa gunman samtang ang biktima giatiman pa sa Cebu City Medical Center. /