Gidakop ang 29 ka langyaw nga gilangkuban sa Chinese og Myanmar nationals sa mga tinugyanan sa balaod sa usa ka raid sa ilegal nga Philippine Offshore Gaming Operations (Pogo) hub sa Lungsod sa Silang, Cavite.
Base sa report gikan sa Presidential Anti-Organized Crime Commission (PAOCC), ang raid gihimo human nila madawat ang tip gikan sa usa ka concerned citizen kabahin sa kadudahan nga kalihukan sa usa ka pribadong resort.
Ang PAOCC uban sa mga sakop sa Criminal Investigation and Detection Group (CIDG) ug Bureau of Immigration (BI), maoy nagpahigayon sa raid sa guerilla-type nga Pogo sulod sa maong resort nga niresulta sa pagkasikop sa unom ka Myanmar nationals ug 22 ka Chinese.
Ang mga suspek nigamit og laptops ug mobile internet sa ilang scam operations imbes nga desktops ug internet routers aron dili daling masakpan.
Ang Bureau of Immigration niisyu na og mission order batok sa mga dinakpan.
Sa usa ka interbyu, si Interior and Local Government Secretary Jonvic Remulla niingon nga aduna pay dugang 2,000 ka Pogo workers nga ilang gilauman nga madakpan sa umaabot nga mga adlaw.
“As promised, di naman namin sila tatantanan. Ako, bilang SILG, siyempre sariling lalawigan ko uunahin ko, so nakahuli na kami last week sa Parañaque, then nakahuli sa Cavite, may mahuhuli pa another 2,000 kami expected in the next few days mahuli pa din namin. Identified na namin yung sites,” matod ni Remulla. / TPM / SunStar Philippines