Gipasidunggan sa Mega Prime Foods Inc. ang usa sa kompaniya sa shipping ug freight logistics sa nasod nga 2GO sa Mega Gold Legacy Award atol sa ika-50 ka tuig nga anibersaryo sa kompanya.
Ang maong pasidungog nag-ila sa dugay nang panag-uban ug mahinungdanong papel sa 2GO sa pagpadayon sa operasyon ug pagtubo sa Mega Prime Foods sa nasudnong lebel.
Sulod sa daghang katuigan, ang 2GO nagsilbing kasaligan nga kauban sa daghang lokal ug nasudnong kompanya, lakip na ang Mega Prime Foods sa paglihok sa ilang mga produkto padulong sa lainlaing mga rehiyon sa Pilipinas.
Pinaagi sa ilang sea freight ug logistics network nga nakasandig sa dagkong pantalan sa tibuok nasod, gisiguro sa 2GO ang padayon nga paglihok sa suplay ug serbisyo, ilabi na sa mga komunidad nga nagkinahanglan og paspas nga paghatod sa pagkaon ug mga produkto.
“Being recognized by Mega Prime Foods Inc. as one of their most supportive logistics partners is an incredible honor,” matod ni Sharon Musngi-Ngo, Business Unit Head sa 2GO Sea Solutions.
“This award affirms our shared commitment to delivering quality and consistency, and it inspires us to continue providing reliable shipping and logistics solutions that help fuel the success of our partners,” dugang niya.
Sa pagkakaron, ang 2GO nag-operate og regular nga biyahe paingon ug gikan sa Zamboanga nga maoy yawe nga logistics hub alang sa Mega Prime Foods pinaagi sa ilang RORO vessels nga adunay 32-ka-oras nga transit time nga maoy labing paspas ug labing competitive sa maritime shipping sa Pilipinas.
Apil sa ilang mga ruta ang Manila–Cebu (4 ka beses matag semana), Manila–Cagayan de Oro (5 ka beses), ug duha ka beses matag semana sa Manila–Davao ug Manila–General Santos.
Kini nga mga linya nagpasiugda sa hapsay ug padayon nga serbisyo sa dagkong pantalan nga galamhan sa komersyo ug suplay sa nasod.
Ang 2GO nga kabahin sa SM Investments Corporation, usa ka dugay na nga kompanya sa transportasyon ug logistics nga adunay kasinatian nga niabot sa kapin usa ka gatos ka tuig.
Gikan sa simpleng serbisyo sa barko sa unang mga tuig, kini karon usa sa mga haligi sa pagdala og mga produkto ug serbisyo nga kasagaran gikinahanglan sa mga kabarangayan ug komunidad sa tibuok Pilipinas.
Gawas sa maritime transport, ang 2GO nagtanyag sab og mga serbisyo sama sa cold chain logistics, cross-docking, ug warehousing nga makatabang sa mga negosyo ilabina panahon sa kalisod sa transportasyon.
Ang pagpasidungog sa 2GO nagpakita sa bililhon nilang kontribusyon sa pagpadayon sa abot-kayang pagkaon sa mga pamilyang Pilipino ug sa ilang papel sa pagpalig-on sa mga komunidad pinaagi sa lig-on nga supply chain ug transportasyon. / PR