2nd Balanghoy Festival sa Ibabao, Cordova mas gipabongga

Street Dancing champion - Tribu Mananayawng Lumad Sun-okan /
Street Dancing champion - Tribu Mananayawng Lumad Sun-okan / RG Photograpy

Mas gipatas-an pa sa mga barangay opisyal sa Ibabao, Lungsod sa Cordova, Cebu ang ilang standard sa ikaduhang tuig nga pagpahigayon sa Balanghoy Festival niadtong Dominggo, Abril 28, 2024.

Sa mga nakasaksi sa maong presentation, ilang gihulagway nga mo-level kini sa dinagko nga festival gikan sa nagkadaiyang kategoriya sa maong pasundayag, costume, production, logistics taliwala sa limitado nga budget.

Ritual Showdown champion - Tribu Mananayawng Lig-on sa Purok Makugihon /
Ritual Showdown champion - Tribu Mananayawng Lig-on sa Purok Makugihon / Facebook

Garbo alang ni Atty. Arthur Degamo, barangay Kapitan sa Ibabao sa bag-uhay pa lang nga nahimugso nga festival nga resulta sa pakigtambayayong sa iyang mga konstituente, ug suporta sa matag purok aron molampos ang ilang kalihukan.

Mipadayag sa iyang dakong pasalamat si Degamo ngadto kang Cordova Mayor Cesar Suan, 6th district representative Daphne Lagon ug ubang municipal officials sa ila usab nga suporta ilabi na sa financial.

Festival Queen Micah Shen Discaller, Cordova Mayor Cesar Suan (maroon polo shirt) /
Festival Queen Micah Shen Discaller, Cordova Mayor Cesar Suan (maroon polo shirt) / Hinatag ni Ramon Alejandro Tagli

“Sunod tuig puhon, mapaabot sa mga Ibabaohanon kay duna na tay mas dako nga venue para atong Balanghoy festival. Mas dako, mas nindot ug mas hamugaway nga dili lang alang sa Ibabaohanon, apil na ang tibuok lungsod,” saad ni Degamo.

WINNERS

Ania ang kompleto nga talaan sa mga ningdaug:

Festival Queen 2024 - Micah Shen Discaller, lead dancer sa Tribu Mananayawng Lumad Sun-okan

Festival Queen Best in Costume – Saytas Yangco, Pundok Mag-uuma sa Purok Maampoon

Festival Queen Best in Group Performance – Micah Shen Discaller Tribu Mananayawng Lumad Sun-okan

Festival Queen Best in Solo Performance - Saytas Yangco, Pundok Mag-uuma sa Purok Maampoon

Ritual Showdown champion ug Best in Choreography – Tribu Mananayawng Lig-on sa Purok Makugihon

1st place – Pundok Nagkahiusa Panagbliss

2nd place – Pundok sa Nagkahiusang Kabatan-onan sa Purok Maalagaron

3rd place – Tribu Mananayawng Lumad Sun-okanon

4th place – Tribu Banay Mananayaw sa Ylayahanon

5th place - Pundok Mag-uuma sa Purok Maampoon

Best in Costume - Tribu Mananayawng Lig-on sa Purok Makugihon

Best in Street Dancing - Tribu Mananayawng Lumad Sun-okanon. / FVQ

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph