3 angol, P1.6M danyos sa 9 ka balay nga nasunog

MGA BOMBERO: Ang mga bombero nakigbugno sa sunog sa Sitio Caduloy, Barangay Tisa, Syudad sa Sugbo, alas 9:14 sa buntag sa Lunes, Pebrero 5, 2024 ./ Gikan sa FB post sa Barangay Capitol Site Emergency Response Team
MGA BOMBERO: Ang mga bombero nakigbugno sa sunog sa Sitio Caduloy, Barangay Tisa, Syudad sa Sugbo, alas 9:14 sa buntag sa Lunes, Pebrero 5, 2024 ./ Gikan sa FB post sa Barangay Capitol Site Emergency Response Team

Siyam ka mga balay ang nangasunog, usa niini ang wa hingpit naugdaw, sa Sitio Caduloy, Barangay Tisa, Syudad sa Sugbo, alas 9:14 sa buntag sa Lunes, Pebrero 5, 2024.

Sa imbestigasyon ni F01 Pedie Canilla, investigator sa Cebu City Fire Offce (CCFO), nasayran sa Superbalita Cebu nga tulo ang nangaangol, nga giila nga sila si Gwendel Ciriaco kinsa nakaanagkon og samad sa walang paa; Jonathan Jabalde, samdan sa walang abaga; ug Christian Omambac, samdan sa mga kamot, pulos hamtong ug mga lumolupyo sa naasoy dapit.

Dugang sa imbestigasyon, ang sunog nagsugod sa balay nga gipanag-iya ni Crisencia Abarquez Seseban apan, atol ning pagsuwat, gisusi pa sa kabomberuhan ang hinungdan sa pag-ulbo sa kayo.

Gisaka kini sa first alarm sa alas 9:20 sa buntag. Nakontrolar ang kayo sa alas 9:39 sa buntag ug na-fire out mga 11 minutos ang nakalabay.

Dili mominos 15 ka mga pamilya ang apektado nga gilangkuban sa 75 ka mga indibiduwal ug gibana-bana nga nagbilin og danyos nga dili mominos P1,650,000.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph