3 ka armas gipangtahan

Bohol map
Bohol map

Tulo ka mga armas ang gitahan ngadto sa Provincial Mobile Force Company (P­MFC) sa Bohol Police Provincial Office (BPPO) subay sa subsob nga kampanya batok sa loose firearms sa pagpangulo sa hepe nga si P/Lt. Col. Mark Gifter Sucalit.

Ala 1:00 sa hapon sa Miyerkules, Hunyo 26, 2024, sa lungsod sa Inabanga, Bohol, gitahan sa usa ka 57 anyos nga mag-uuma nga supporter sa rebeldeng komunista, ang .357 nga armas ug mga bala niini.

Ang maong armas gi-turnover usab ni sa PMFC-Bohol sa PNP Forensic Unit alang sa himuon nga ballistic examination ug ang maong mag-uuma makabenepisyo sa programa sa National Task Force to End Local Communist Armed Conflict (NTF-ELCAC).

Pagka alas 5 sa hapon, laing concerned citizen nga taga Barangay Catarman, lungsod sa Dauis, Bohol, ang nitahan sa iyang armas.

Ang maong indibidwal nitunol sa iyang kalibre .45 nga pistola sa buhatan sa PMFC sa Camp Francisco Dagohoy, dakbayan sa Tagbilaran.

Ang maong personalidad mi­sanong sa kanunay nga panawagan sa kapulisan sa Bohol nga ipangtahan ang ilang mga armas nga walay lisensya subay sa nagkaduol na ang midterm elections sa sunod tuig.

Mao usab ang gibuhat sa usa ka 21 anyos nga lalaki sa Barangay Tambongan, lungsod sa Candijay diin iyang gitahan ang iyang usa ka revolver ngadto sa PMFC.

Nagpadayon ang gilusad nga “Oplan Katok” sa BPPO aron kadtong dunay mga armas nga way lisensya, matahan sa kapulisan lakip na kadtong mga gun holder nga wala maka-renew sa ilang lisensya, ilang i-turn over aron dili sila mag-atubang og kaso sa umaabot nga mga adlaw. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph