3 ka balay nasunog tungod sa cellphone

 NAG-UMIDO: Makita ang nag-umido nga kayo nga nikaon sa tulo ka mga balay sa Campagong 2, lungsod sa Badian, habagatan sa lalawigan sa Sugbo sa pag-ulbo sa sunog, alas 4:00 sa hapon, Sabado, Marso 23, 2024. /
NAG-UMIDO: Makita ang nag-umido nga kayo nga nikaon sa tulo ka mga balay sa Campagong 2, lungsod sa Badian, habagatan sa lalawigan sa Sugbo sa pag-ulbo sa sunog, alas 4:00 sa hapon, Sabado, Marso 23, 2024. / Gikan sa FB post ni Ferl John Pacaldo

Tulo ka mga balay ang naugdaw sa Campagong 2, lungsod sa Badian, habaga­tan sa lalawigan sa Sugbo sa pag-ulbo sa sunog, alas 4:00 sa hapon, Sabado, Marso 23, 2024.

Sa dugang pakisusi sa Superbalita Cebu, nasuta sa pasiunang imbestigasyon ni F01 Winston Rey Sardiente, fire investigator sa Badian, nga ang sunog napasaka sa first alarm ug na-fire out sa alas 5:00 sa hapon.

Ang bay diin giingong didto nagsugod ang sunog, gipanag-iya ni Roly Candido.

Nasubay sa taho nga usa ka cellphone nga gi-charge nga gibiyaan, ang mi-over heat ug nibuto.

Ang maong sunog nga nagbilin sa gibanabanang danyos nga P120,000.

Hinuon, walay kinabuhi nga nakalas o nasamdan sa ma­ong sunog. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph