3 ka balay sa Naga, nasunog

Tulo ka mga balay ang nasu­nog sa Purok 2 Lower South, Barangay Tinaan, dakbayan sa Naga, alas 2:16 sa hapon, Miyerkules, Hunyo 5, 2024.

Sa pakighinabi sa Superba­lita Cebu ni F02 Ronel Andagan, ang fire investigator sa Bureau of Fire Protection (BFP) sa Naga, ang unang nasunog mao ang balay nga gipanag-iya ni Mariam Jama­nulle ug nitapon kini sa laing duha ka mga balay.

Ang sunog giisa sa first alarm sa alas 2:20 sa hapon, nakontrolar sa alas 2:38 sa hapon ug na-fire out na sa alas 2:44 sa hapon.

Kini nagbilin og danyos nga dili mominos P135,000.

Duha ka mga balay ang hing­pit nangaugdaw ug usa ang nakan-an.

Atol ning pagkuha sa kasayuran, ang ka­bomberohan sa Naga nagpadayon pa sa ilang imbestigasyon sa pag­suta sa hinungdan sa pag-ulbo sa kayo. / DVG