Tulo ka mga bata nga gitaho nga missing napalgang nalumos sa North San Juan, Barangay Centro, Agdao, Davao City niadtong Sabado sa gabii, Abril 13, 2024.
Base sa spot report nga gihatag sa Davao City Police Office pinaagi sa Sta. Ana Police Station (DCPO-PS1), ang tulo ka managhigala nga managsilingan nagduwa daplin sa dagat gawas sa ilang lugar apan nahanaw og pipila ka minuto.
Gisugdan dayon sa Philippine Coast Guard (PCG) ug Central 911 Search and Rescue Team ang search and retrieval operation. Una nilang nadiskubrehan ang lawas sa 4-anyos nga bata nga naglutaw duol sa coastal road.
Sa pikas bahin, ang mga lawas sa duha ka 7-anyos nga mga bata tagsa-tagsa nga nakuha sa may San Jose Ipil Beach sa Barangay Duterte.
Ang mga bata gidali pagdala sa opistal apan gideklarar nga dead on arrival. / Sunstar Davao