3 ka gagmay nga kanding gipangbugno sa iro, patay

NANGAMATAY: Ang tulo ka mga nati nga kanding ang na­nga­ma­tay ug samdan ang ilang inahan human giatake sa mga iro sa Bara­ngay Candaguit , lungsod sa Sibonga, alas 6:00 sa buntag sa Biyernes, Pebrero 23, 2024. / Gikan sa Fb post ni Brian Rigodon Genobia
NANGAMATAY: Ang tulo ka mga nati nga kanding ang na­nga­ma­tay ug samdan ang ilang inahan human giatake sa mga iro sa Bara­ngay Candaguit , lungsod sa Sibonga, alas 6:00 sa buntag sa Biyernes, Pebrero 23, 2024. / Gikan sa Fb post ni Brian Rigodon Genobia

Tulo ka mga nati nga kan­ding nangamatay ug samdan ang ilang inahan human sila giatake sa mga iro sa Brgy. Candaguit, lungsod sa Si­bonga, alas 6 sa buntag sa Biyernes, Pebrero 23, 2024.

Kini ang gibutyag sa tag-iya sa mga kanding nga si Brian Rigodon Genobiagon nga gikahinabi sa Superbalita Cebu.

Matod niya, ang ilang mga kan­ding gitugway sa bakanting umahan nga may mga makaon nga kogon, apan alas 10 sa buntag kagahapon, gipahibalo sila sa ilang silingan nga ang ilang kan­ding giataki sa tulo ka mga iro.

Iya dayon giadto ug iyang iyang nakit-an ang mga iro nga ning-atake sa ilang mga kanding hinungdan nga iyang gipangbato ug nanagan.

Ang tulo ka mga kanding du­nay daghang pinaakan ug ang i­­na­han samdan apan buhi pa kini.

Ang mga iro ningbalik sa pag-­ataki apan, dason sa tag-iya, gipamusil niya ang mga iro sa air gun busa nanagan pagbalik.

Wa masayri kon namatay ba sa pagpamusil ug kinsa usab ang tag-iya sa mga iro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph