Nakuha sa SunStar Cebu ang tulo ka kategoriya sa journalism awards atol sa 11th Globe Media Excellence Awards (GMEA), nga nag-ila sa kamaayo sa journalism ug content creation.
Ang maong tinuig nga Globe media awards nipalapad na sa ilang pagpili nga giapil na ang provincial media sa Luzon, Visayas ug Mindanao.
Ubos sa tema nga “#IgnitingProgress,” gipili ang mga mananaog base sa ilang creativity, impact ug innovative use sa digital media technologies.
Sa Integrated Media category, nakakuha og ikatulong puwesto alang sa Online News Report of the Year sila SunStar online editor Joshua Solano ug reporter John Paul Ryan Seblos sa ilang istorya nga “Paglaum: The mental struggles and strength of mental health workers in a Cebu psychiatric ward.”
Ang unang puwesto sa maong kategoriya nakuha ni Morexette Marie Erram sa CDN Digital alang sa iyang istorya nga “(Part 1) Extreme Heat as a ‘New Pandemic’: Thousands in PH Cancel Classes During ‘Hottest Year’.” Samtang ang ikaduhang puwesto nakuha nila Immae Lachica ug Erram alang sa ilang istorya nga “‘Water, Water Nowhere’: Cebu City Farmers Reel from ‘Worst El Niño’ Yet.”
Sa Digital Storytelling category, nakakuha og ikaduhang puwesto sa Best Social Media Video sila Laureen Jean Mondoñedo (digital content director sa SunStar), Kenneth Dwight Torres (assistant multimedia editor), ug Erwin Lirazan (Superbalita Cebu sports editor) alang sa ilang entry nga “Pakigbisog.”
Ang unang puwesto sa maong kategoriya nakuha ni Lourd John Diaz sa Aksyon Radyo Bacolod alang sa “Balik Eskwela,” samtang ang ikatulo nakuha ni John Dale Salazar sa samang estasyon alang sa “Titanic.”
Nakuha sab ni Mildred Galarpe, editor-in-chief sa SunStar Cebu, ang Newsmaker of the Year award, usa ka espesyal nga pasidungog nga nag-ila sa bililhon nga kontribusyon isip usa ka journalist.
Ania ang kompleto nga mananaog sa GMEA 2025:
Radio News Report of the Year
1st – Primerose Catherine C. Tejida, RMN DYHB Bacolod 747kHz, “Kalamidad nangin oportunidad: Ang bentaha sang tig-ilinit kag ang pagbangon matapos ang paglupok sang Bulkan Kanlaon”
2nd – Eljohn Castano, k5 News FM Bacolod 103.9, “Malayang Paglalayag sa West Philippine Sea”
3rd – Benjie Tanghiyan and Atty. Ruphil Bañoc, DYHP RMN Cebu, “Good samaritan nga rider, gipasidunggan”
TV News Report of the Year
1st – Big Jay Lagang, PTV Davao, “Insurhensiya: Hagit sa Philippine Eagle”
2nd – Annie Fe Perez-Gallardo, ABS-CBN News, “Isla sa Cebu, unti-unting lumulubog”
3rd – Jireh Mae C. Saludar, PTV Agusan del Sur, “Kabataan sa Agrikultura”
Photo of the Year
1st – Ivy Marie Mangadlao, MindaNews, “Surigao Fire”
2nd – Erwin Mascariñas, Business Mirror, “Waterworld in the South”
3rd – Erwin Mascariñas, ABS-CBN News, “Flood victims in Butuan rise to more than 10,000”
Best Blog Post
1st – Mars Mosqueda Jr., CebuLifestyleChannel.ph, “Cebu-made technology empowers teachers by transforming classroom presentations”
2nd – Lenie Lañojan, Sugbo.ph/Sugbo Media Group, “The Reality of Cebu’s Coastal Pollution: Why It’s a Major Threat to Sugboanon Tourism”
3rd – Maria Sigrid Lo, Lovingly Mama, “Fight Disinformation: Creating a Battleplan for Media Disruption in the Digital Age”
Special Awards
Editor of the Year – Vina Araneta-Pilapil, PTV Davao, news operations head
Globe of Good Story of the Year – Rhick Lars Vladimer Albay, Eco-Business, “Seeing mangroves regrow: Documenting the surprise resurgence of Iloilo’s coastal forests”
KonsultaMD Impact and Innovation Award – Joylyn Paraonda, RMN DYRI Iloilo, “Tawo nga may kuyap may tyansa nga mangabuhi sang normal suno sa doktor”
Senior Digizen Advocate Award – Anjo Salmorin, K5 News FM Iloilo, Pandemic Story: “Ang Tekkie Kong Lola.” / JGS