3 ka kaso sa pertussis sa Bacolod naalim na

3 ka kaso sa pertussis sa Bacolod naalim na
Sunstar File

Ang tulo ka kompirmadong positibo nga mga kaso sa pertussis sa Bacolod City pulos nakagawas na sa mga tambalanan sa siyudad, matod ni Dr. Grace Tan, hepe sa City Health Office (CHO) Environmental Sanitation Division sa Huwebes, Abril 11.

Matod ni Tan nga ang tulo ka mga masuso, duha ka babaye, ug usa ka lalaki, naayo na sa pertussis, o whooping cough.

Matod niya nga sa Morbidity Week 13, Marso 30, nagpadala sila og upat ka sample specimens sa Department of Health (DOH)-Western Visayas diin tulo ka mga pasyente, duha ka buwan ang edad, positibo sa pertussis ug usa ang negatibo.

Dugang niya nga ang tulo ka mga pasyente taga Barangay Taculing, Tangub, ug Villamonte.

Usa ra ka dose sa Pentavalent vaccine ang ilang nadawat tu­ngod kay base sa national immunization program, kining maong bakuna ihatag sa mga bata nga nag-edad og unom ka semana, 10 ka semana ug 14 ka semana.

Namatikdan ni Tan nga usa sa mga hinungdan sa mga kaso sa pertussis tungod sa init nga panahon ug pagkunhod sa gidaghanon sa nagpabakuna nga mga bata.

Siya niingon nga ang duol nga mga kontak sa mga kumpirmadong kaso gisubay alang sa antibiotics prophylaxis.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph