3 ka kompaniya nangayo og exemption sa wage increase

3 ka kompaniya nangayo og exemption sa wage increase
SunStar Local News

Tulo ka mga kompaniya nga nagbase sa Sugbo ang nangayo og exemption sa pagsunod sa P33 nga usbaw sa suholan nga gipatuman niadtong Oktubre 1, 2023.

Si Director Lilia Estillore sa Department of Labor and Employment Central Visayas (Dole 7) niingon nga pipila lang ang nakasumite human sa deadline nga natapos niadtong Nobiyembre 30.

Si Estillore nitug-an sa SunStar Cebu niadtong Huwebes, Disyembre 7, nga tulo ka mga kompaniya ang pulos nakabase sa Sugbo ug ubang mga kompaniya sa laing probinsiya sa Central Visayas ang na­ngayo og exemption.

Hinuon, wala niya gitug-an ang matang sa mga negosyo sa kini nga mga kompanya.

Gihatagan ang mga employer og 75 ka adlaw aron nga makahimo og hingpit nga pagsusi sa ilang pinansyal nga kapabilidad ug mga kinahanglanon sa mga trabahante aron matino ang ilang eligibility alang sa exemption gikan sa bag-ohay nga P33 nga usbaw sa minimum nga suholan.

Namatikdan ni Estillore nga ang gidaghanon sa mga establisemento nga nag-apply alang sa exemption karong tuiga mas ubos itandi sa mia­ging tuig alang sa usbaw sa suholan nga P31, diin nakita ang walo ka mga establisemento nga nangayo og exemption.

KONDISYON

Matod niya, aron mahimong kuwalipikado alang sa exemption, ang mga negosyo kinahanglan kanunay nga mogamit sa dili molapas sa 10 ka mga trabahante ug nag-atubang sa dili maayo nga mga epekto gikan sa natural nga mga katalagman o mga kala­midad nga nahitabo.

Sa mga negosyo nga wala pay 10 ka mga empleyado nga nangayo og mga exemption, kinahanglan nga sakop sila sa retail ug service category ug gimintinar ang ilang workforce ubos sa gikinahanglang gidaghanon sulod sa labing minos unom ka bulan aron mahimong kwalipikado.

Ang mga establisemento nga nag-apply alang sa exemp­tion tungod sa calamity-rela­ted nga mga rason, kinahanglan magpakita nga ang kalamidad nahitabo sulod sa unom ka bulan sa wala pa ang epektibo nga petsa sa wage order.

Si Estillore nga nagsilbi sab nga chairperson sa Regional Tripartite Wages and Productivity Board (RTWPB) sa Central Visayas, nag-ingon nga ang pagkunhod sa mga numero sa pagtangtang sa mga sukaranan nga adunay kalabotan sa pandemiya sa Co­vid-19 ingon usa ka hinungdan sa exemption.

Siya miingon sa miaging tuig, kadaghanan sa mga hangyo naghisgot sa mga hagit nga may kalabotan sa pandemiya nga misangpot sa daghang mga hangyo sa e­xemp­tion.

MULTA

Gawas sa pagtangtang sa mga rason may labot sa pandemiya ingon usa ka kondisyon kon mosang-at og usa ka hangyo sa exemption, giingon ni Estillore nga ang mga kompanya mahimo’g mawad-an sa kadasig sa pagsumite sa mga hangyo tungod sa gipahamtang nga silot kon ang ilang hangyo dili maaprobahan.

Kon mabalibaran ang hangyo sa kompanya nga iba­liwala ang bag-ong minimum nga suholan, kinahanglan nga magbayad sila og usa ka porsyento nga interes matag adlaw sa wala mabayri nga suweldo hangtod mapatuman ang usbaw.

Dugang pa niya nga ang mga desisyon sa gisumite nga hangyo ipahibalo 50 ka adlaw gikan sa deadline o sa Enero 18, 2024.

Matod sa direktor nga sa walo ka exemption requests nga gisumiter sa mga establisemento, upat lang ka employers nga nangayo og exemptions, ang nahatag sa RTWPB 7.

Niadtong Septiyembre 15, gipahibalo ang Wage Order ROVII-24 nga nagpatuman sa P33 nga usbaw sa suholan sa pribadong sektor sa Central Visayas. Tungod niini nga re­gulasyon, ang sweldo sa mga non-agricultural nga establisemento sa Class A hangtod C, mahimong P420 hangtod P468.

Ang Class A nga mga siyudad ug lungsod naglakip sa Carcar, Cebu, Danao, Lapu-Lapu, Mandaue, Naga, Talisay, Compostela, Consolacion, Cordova, Liloan, Minglanilla, San Fernando, o ang Expanded Metro Cebu.

Ang mga siyudad nga walay sakop sa Class A ubos sa Class B, samtang ang mga lungsod nga wala sa Class A o B gi-ca­tegorize nga Class C.

Alang sa mga establisemento sa agrikultura ug dili pang-agrikultura nga wala’y 10 ka trabahante, ang inadlaw nga minimum nga sweldo gikan sa P415 hangtod P458, depende sa klasipikasyon sa lugar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph