Nangalagpot sa ilang gisakyan nga motorsiklo nga usa ka 15-anyos ang tulo ka mga menor de edad sa dihang nadasmag sa punoan sa kahoy.
Kini nahitabo sa Barangay Calero, Lungsod sa Liloan, amihanang Sugbo, sa alas 3:30 sa hapon sa Pebrero 12, 2024.
Ang mga biktima giila nga sila si Jonas Pilapil Orocay,drayber sa motorsiklo ug iyang mga angkas nga sila si Vinz Dominic Moreno Pisa, 13; ug si John Lorence Bulanges Jalang, 13 , pulos taga Purok Camatis, Sitio Tagaytay, Calero, Liloan.
Base sa nahipos nga kasayuran sa Liloan Police Station nga ang mga biktima ningtadlas sa maong kalsada nga way helmet.
Kalit lang nga wa nakontrolar ang motorsiklo nga nisarasay paingon sa pikas nga lane sa kalsada.
Nilahos ug nibangga ang motorsiklo sa punoan sa kahoy daplin sa kalsada nga miresulta sa pagkalagpot sa mga biktima.
Gihulagway nga grabe ang kahimtang sa mga biktima dihang gidala sa Vicente Sotto Memorial Medical Center (VSMMC) sa dakbayan sa Sugbo.
Sa pagsuwat ning taho, wa pay medical bulletin update ang kapulisan sa Liloan. /