Gipangbuntog sa mga Pinoy nga sila si world 10-ball champion Carlo Biado, Johann Chua ug Jefrey Roda ang ilang tagsatagsa ka kontra sa quarter-finals niadtong Sabado, Oktubre 12, 2024, aron paghan-ay og all-Asian semi-finals sa 2024 Hanoi 9-Ball Open Pool Championship sa Hanoi Indoor Games Gymnasium sa Vietnam.
Si Biado, kinsa lab-as pa sa iyang paghari sa Ho Chi Minh 9-Ball Open sa niaging buwan, nipakita og agresibong duwa aron lupigon si 2023 world 9-ball champion Francisco Sanchez Ruiz sa Spain, 10-5.
Sa semis, ikaharong ni Biado si Chua, kinsa nimakmak ni KleĀdio Kaci sa Albania, 10-6.
Sa iyang bahin, si Roda niagi og pagpanghulga una niya nabuntog ang laing Pinoy nga si Harry Vergara, 10-8.
Sa semis, kontrahon ni Roda si 2015 world 9-ball ug 10-ball winner Ko Pin Yi sa Chinese Taipei, kinsa nakaipsot batok sa defending champion nga si Jayson Shaw sa Great Britain, 10-9. / ESL