3 ka sakyanan nalambigit sa aksidente, 2 angol

City of Naga.
City of Naga.Google Maps

Tulo ka mga sakyanan nagkarambola ug duha ang nangaangol sa aksidente sa Brgy. Ina­yagan, sa Syudad sa Naga, alas 12:30 sa hapon sa Dominggo, Enero 14, 2024.

Nalambigit nga sakyanan mao ang Hyundai Grace van nga gimaniho ni Rhean Soco, 27, minyo, taga Brgy. Tayud, lungsod sa Liloan.

Naangol ang mga sakay niini nga sila si Eulalia Barosa, 85, taga Tayud, Liloan ug nadaut kaayo ang wala bahin sa driver side sa sakyanan.

Laing nadanyos nga sakyanan mao ang Nissan Navarra pick-up nga gimaniho ni Miraflor Litonjua, 35, minyo, taga N. Bacalso Ave., Brgy. Gahad, lungsod sa Sibonga.

Lakip sa nadanyos mao ang Kia Sorento nga gimaneho ni Doroteo C. Geocallo, 64, ulitawo, taga Panadtaran, lungsod sa San Fernando.

Sa pasiunang imbestigasyon sa kapulisan sa Naga ubos sa kamandoan ni Police Lt. Col. William Humoc, nasayran nga ang sakyanan nila ni Soco ug Litunjua pareho og direksiyon gikan sa Sibonga padung sa Siyudad sa Sugbo.

Samtang, si Geocallo gikan sa Syudad sa Sugbo ug mopauli sa ilang dapit sa San Fernando apan pag-abot sa national highway sa Inayagan, Naga, kalit ki­ning nibalhin sa pikas gumikan sa ‘mechanical defect’ sa ligid.

Mao kini hinungdn nga aksidente kining niigo sa duha ka mga sakyanan.

Ang duha nga naangol nga si Soco ug ang iyang sakay nga si Barosa gipangdala sa Vicente Mendiola Medical Center.

Hinuon, nakab-ot ang amicable settlement tali sa nangalambigt nga mga partido sa kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph