3 nasikop pagronda sa drug den sa Tagbilaran

 NADAKPAN: Ang tulo ka mga tawo ug mga ebidensiya nga gidiling drugas sa pagronda sa drug den sa Purok 2, Barangay Cogon, dakbayan sa Tagbilaran,  Bohol, alas 2:00 sa kaadlawon, Huwebes, Pebrero 8, 2024, nga niresulta sa pagkasikop sa tulo ka mga tawo ug pagkasamit sa mga ebidensiya. / PDEA 7
NADAKPAN: Ang tulo ka mga tawo ug mga ebidensiya nga gidiling drugas sa pagronda sa drug den sa Purok 2, Barangay Cogon, dakbayan sa Tagbilaran, Bohol, alas 2:00 sa kaadlawon, Huwebes, Pebrero 8, 2024, nga niresulta sa pagkasikop sa tulo ka mga tawo ug pagkasamit sa mga ebidensiya. / PDEA 7

Usa ka balay nga gihimong suyopanan sa ilegal nga drugas sa Purok 2, Barangay Cogon, dakbayan sa Tagbilaran, Bohol, gironda sa mga otoridad alas 2 sa kaadlawon sa Huwebes, Pebrero 8, 2024, nga niresulta sa pagkasikop sa tulo ka mga tawo ug pagkasakmit sa illegal drugs.

Nadakpan mao mag-live in partner nga giingong nagdumala sa drug den nga sila si Sarah Jane Espejo, 29, sidewalk vendor, ug Nelmar Maputol, 39, mamumuo. Lakip sa nadakpan ang usa ka barbero nga si Anthony Baliling, 28.

Nihimo sa malampusong operasyon mao ang hiniusang pwersa sa Philippine Drug Enforcement Agency (PDEA 7), Bohol Police Provincial Office (BPPO) uban sa Maritime Police ug Naval Forces Central.

Nakuha sa mga otoridad ang walo ka mga pakete sa gituohang shabu nga motimbang og 11 gramos nga dunay estimated market value nga P74,800 ug ang buy-bust money, cellphone ug mga gamit sa paghingus sa gituohang shabu.

Matod ni Leia Alcantara, information officer sa PDEA 7, nga ilang nadawat ang kasayuran gikan sa kasaligang tinubdan ug gipaubos nila og duha ka semana nga case build up.

Sa nakuha nga kasayuran makabaligya ang mga suspek og 10 ngadto sa 15 ka gramos sa gituohang shabu matag semana.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph