Tulo ka mga tawo ang nangasikop ug P34,000 nga kantidad sa gituohang shabu ang nasakmit sa managlahing anti-illegal drug operations sa Sitio San Isidro ug Sitio Nangkaan, Barangay Perrelos, dakbayan sa Carcar sa Miyerkules, Pebrero 21, 2024.
Sa Sitio San Isidro, nasikop ang giingong high-value individual nga si Robert Manayaga Enjambre, 43, ex-convict, ug asawa niini nga si Naome Cabunilas Enjambre, 47, sa alas 3:59 sa hapon.
Nasakmit gikan kanila ang lima ka mga pakete sa gituohang shabu nga motimbang og 2.4 gramos nga mobalor og P16,320, lakip sa P500 nga buy-bust money, ug P200 nga cash nga gituohang halin sa drugas.
Sa Nangkaan, nasikop ang 45-anyos nga si Philip Baylosis pasado alas 6:30 sa gabii sa samang adlaw. Nakuha ang 2.6 gramos sa gituohang shabu nga mobalor og P17,680.