3 samdan sa bangga sa motorsiklo

SunStar Naga City
SunStar Naga City

Tulo ang samdan, lakip sa magtiayon, sa panagbangga sa motorsiklo sa natio­nal highway sa Barangay Ino­buran, dakbayan sa Naga, Sugbo, alas 10:30 sa gabii, Sabado, Hunyo 29, 2024.

Ang magtiayon mao sila si ‘Niño’, 31, ug ‘Jesahmae’, 30, taga Purok Tambis 2 sa Barangay Inoburan.

Samtang, samdan usab ang nagmaneho sa laing motorsiklo nga si ‘Warlito’, 53, biyudo, ug taga Brgy. Dakit, Barili.

Ang mga tinuod nga ngan sa nalambigit sa aksidente gipugngan subay sa polisiya sa kapulisan sa pagkuha og kasayoran sa media.

Sa imbestigasyon sa Traffic Police Investigator sa Siyudad sa Naga ubos sa ilang hepe nga si P/Lt. Col. William Homoc, nasayran nga ang magtiayon gikan sa lungsod sa San Fernando pauli sa Inoburan apan pag-abot sa eskina sa dapit, ni-left turn si Niño ug didto naigo ni Warlito nga gikan sa Barili nga nagpadulong sa lungsod sa Minglanilla.

Ang mga sakay sa motorsiklo pulos nalandig sa tambalanan ug ang ilang motorsiklo ang gi-impound sa kapulisan alang sa dugang imbestigasyon sa insidente. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph