300 ka delegado sa int’l tourism forum gipaabot

300 ka delegado sa int’l tourism forum gipaabot
Cebu Province.File photo

Nangandam ang Kagamhanan sa Probinsya sa Sugbo sa pag-abot sa 300 ka mga delegado nga hayan mosuroy sa mga tourism site sa Sugbo subay usab sa ipahigayon dinhi nga 36th United Nations Tourism Organization (Unto) Joint Commission Forum ug UN Tourism Commission for South Asia (36th CAP-CSA) sa Hunyo 26-28 ning tuiga.

Ang mga partisipante nagagikan sa di mominos 30 ka Unto-member countries sa Asya ug Pacific diin nalakip niini ang Australia, Japan, China, South Korea, Malaysia, Indonesia, Papua New Guinea, Laos, Vietnam, ug Spain.

Si Tourism Secretary Christina Garcia-Frasco una nang nibisita sa Sugbo aron susihon ang gihimo nga mga pagpangandam.

Isip suporta sa Probinsya, nag-andam ang Kapitolyo og technical tour alang sa mga delegado.

Sa Hunyo 27, gikatakda ang technical tour sa Camotes Group of Islands; heritage tourism sa Dalaguete ug Argao lakip usab ang eco-tour sa Hermit’s Cove ug Bojo River Cruise sa lungsod sa Aloguinsan.

Si Cebu Governor Gwendolyn Garcia nipahibawo nga atol sa gipatawag nga tigom sa mga mayor, tourism officers ug stakeholders nga mopagawas siya og dugang ayuda sa mga lokalidad nga mahimong kabahin sa kalihukan.

Gawas sa tour, usa ka gala night ug fashion show ang ipa­higayon sa Kapitolyo nga magpasundayag sa mga ginama nga designs sa renowned international designer nga si Furne One Amato, kinsa taga lungsod sa Barili. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph