300K ka pasahero miagi sa mga pier

PIER 3: Mao kini ang sitwasyon sa Pier 3 Passenger Terminal sa dakbayan sa Sugbo sa mga alas 9 sa buntag sa Huwebes, Nobiyembre 2, 2023. / PORT POLICE AGI SA CPA FB page
PIER 3: Mao kini ang sitwasyon sa Pier 3 Passenger Terminal sa dakbayan sa Sugbo sa mga alas 9 sa buntag sa Huwebes, Nobiyembre 2, 2023. / PORT POLICE AGI SA CPA FB page

Moabot sa kapin sa 300,000 ka mga pasahero ang nangagi sa mga pantalan sa Sugbo mga unom ka adlaw sa wa pa ang eleksyon hangtod sa Nobiyembre 1, 2023.

Gipahibaw ni Mary Knoll Lague-Bolasa, spokesperson sa Cebu Port Authority (CPA), nga sa Nobiyembre 1, natala ang 34, 444 ka mga pasahero nga ningpauli sa tagsa-tagsa nila ka mga probinsya ug niabot usab sa Sugbo.

Nadugang kini sa kinatibuk-an nga ihap sa CPA nga moabot og 325, 298 sa tanang mga pasahero nga ningbiyahe agi sa mga pantalan nga ilang gidumala.

Mas taas kini kon itandi sa samang period sa miaging tuig nga anaa lang sa 125, 310 nga ningbiyahe.

Gipasabot ni Bolasa nga sagad sa mga ningpauli tungod sa taas nga adlaw nga makapahuway gikan sa Barangay and Sangguniang Kabataan Elections (BSKE) ug Kalagkalag.

Subay niini, ang operations center sa CPA nipahibaw usab nga pipila ka mga items sa mga pasahero ang ilang nalista nga nawala atol sa pagbiyahe.

Matod ni Marjorie Luardo, staff sa operations center, nga sagad sa mga nahabilin sa mga pasahero ang mga bag, sudlanan sa tubig ug pipila usab ka cellphones apan dali kini nga nauli sanglit gitawagan usab ang tag-iya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph