32 anyos nga lalaki gitigbas sa 16 anyos

32 anyos nga lalaki gitigbas sa 16 anyos
SunStar Dalaguete

Nakaangkon og mga samad tinigbasan sa nagkadaiyang bahin sa lawas ang usa ka 32 anyos nga lalaki human gitigbas sa 16 anyos nga lalaki nga iyang silingan sa Sityo Walog, Brgy. Malones, bukirang dapit sa lungsod sa Dalaguete, alas 8 sa buntag, Lunes, Hulyo 8 , 2024.

Ang biktima nga usa ka “James’, lab-asero ug suspek nga si “Antonio”, pulos mga lumolupyo sa Sityo Walog.

Sa pakisusi sa Superbalita Cebu nahibaw-an pinaagi sa imbestigasyon sa kapulisan sa Dalaguete pinaagi sa ilang hepe nga si P/Maj. Vincent Awit Zozobrado, nga ang biktima naglakaw ug sa pagkatungod sa biktima sa balay sa suspek, gitigbas sa naulahi makatulo ka mga higayon.

Dugang sa kapulisan, ang suspek nasuko sa biktima nga nasapyagan sa tubig gikan sa cooler sa dihang nanghugas ang biktima.

Ang biktima gidali sa pagtabang ug gidala sa tambalanan sa Dalaguete ug naa na sa luwas nga kahimtang.

Ang suspek nakasibat nga wa na maabti sa mga polis sa Dalaguete ug gipangita pa atol ning pagsuwat. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph