320K ka pasahero ming-agi sa mga pantalan sa Sugbo

320K ka pasahero ming-agi sa mga pantalan sa Sugbo
File

Ang Cebu Port Authority (CPA) nakatala og kapin sa 320,000 ka mga pasahero gikan Marso 25-31 atol kasaulogan sa Semana Santa 2024.

Subay sa datus sa CPA gikan sa nagkalainlaing mga pantalan niadtong Abril 1, 2024, nakatala kini og 149,935 ka mga pasahero nga miabot atol sa pagpatuman sa pito ka adlaw niini nga “Oplan Biyaheng Ayos: Implementation of Heightened Alert Status” atol sa Semana Santa.

Mokabat sa 170,119 ka mga pasahero ang ningbiya sa Sugbo pinaagi sa CPA-operated seaports.

Atol sa 2024 Oplan Biyaheng Ayos, ang tanang mga pantalan sa Sugbo gipaubos sa heightened alert status aron masiguro ang kaluwasan ug seguridad sa mga pasahero atol sa peak season.

Kon itandi sa mga numero sa miaging tuig, ang CPA adunay kinatibuk-ang trapiko sa pasahero nga 525,674 gikan sa Abril 2-10, 2023, diin 259,215 ang mga nangabot ug 267,259 ang mga ningbiya sa panahon sa 10-ka-adlaw nga 2023 “Oplan Biyaheng Ayos” nga operasyon.

Si Mary Knoll Lagu-Bolasa, CPA information officer, niingon sa chat message sa Lunes, Abril 1, nga ang gipamubo nga 2024 “Oplan Biyaheng Ayos” alang sa Semana Santa subay sa memorandum sa Department of Transportation (DOTr), isip ahensya nga nag-ila sa petsa sa implementasyon sa operasyon.

Dugang pa niya nga walay gikataho nga dili maayong mga insidente sa ilang port safety ug security teams.

Sa adlaw-adlaw nga summary sa ihap sa mga pasahero mao ang mosunod: 33, 674 niadtong Marso 25; 37,610 niadtong Marso 26; 71,308 niadtong Marso 27; 65,065 niadtong Marso 28; 12,886 niadtong Marso 29; 43,774 niadtong Marso 30; ug 55,737 niadtong Marso 31, 2024. / EHP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph