3.7M nagparehistro sa Comelec sa nasod

3.7M nagparehistro sa Comelec sa nasod

Ang Pilipinas aduna na karoy kapin sa 3.7 ka milyun ka mga botante nga ningsang-at sa ilang mga aplikasyon sa Commission on Elections (Comelec) alang sa Mayo 2025 nga nasudnon ug lokal nga eleksyon.

Ang labing ulahing datus gikan sa Comelec nagbutyag nga 3,777,577 ka mga tawo ang ningduso sa ilang aplikasyon aron mahimo’ng rehistradong botante gikan sa Pebrero 12 hangtod Hunyo 19.

Kaniadto, gibana-bana sa Comelec nga dul-an sa tulo ka milyon ang mo-apply aron mahimo’ng rehistrado nga mga botante sulod sa pito ka buwan nga voter registration period.

Niadto lang Mayo dihang nakab-ot sa Comelec ang tulo ka milyon niini nga gipaabot nga mga botante nga nagparehistro alang sa nagpadayon nga registration period.

Sa gihapon, adunay labing daghang mga aplikante mao ang Calabarzon nga adunay 651,481, gisundan sa National Capital Region nga adunay 527,334, ug Central Luzon nga adunay 442,848.

Ang adunay pinakaubos nga gidaghanon sa mga nagparehistro mao ang Cordillera Administrative Region nga adunay 49,217, Caraga nga adunay 96,079, ug Mimaropa nga adunay 96,847.

Ang mga kalihukan sa rehistrasyon sa mga botante gihimo sa Lunes hangtod Sabado, lakip ang mga holiday, gikan sa alas 8 sa buntag hangtod sa alas 5 sa hapon sa tanang Offices of the Election Officer (OEO) sa tibuok nasod.

Ang panahon sa pagparehistro sa mga botante gikatakdang matapos sa Septiyembre 30, 2024. / HDT sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph